Nerkonda Paarvai Tamil Movie

Watch Trailer

Movie Name: Nerkonda Paarvai

Tamil Name: நேர்கொண்ட பார்வை

Cast: Ajith Kumar , Vidya Balan & more

Director: H.VInoth

Music Director: Yuvan Shankar Raja

Release Date: 08-08-2019

Running Time: 2 hr 38 mins

7.6/10

Rating: 7.6/10 from 489 users

Nerkonda Paarvai Movie Cast & Crew

Ajith Kumar

as Bharath Subramaniam

Vidya Balan

as Kalyaani

Rangaraj Pandey

as Sathyamoorthy

Shraddha Srinath

as Meera Krishnan

Abhirami Venkatachalam

as Famitha Banu

Andrea Tariang

as Andrea Tariang

Arjun Chidambaram

Adhik Ravichandran

Delhi Ganesh

Jayaprakash

as Ramajeyam

Kalki Koechlin

as special appearance in song Kaalam

Nerkonda Paarvai Film Songs

Vaanil Irul

Singers: Dhee

Duration: 3:20 Minutes

Listen

Kaalam

Singers: Alisha Thomas

Duration: 3:50 Minutes

Listen

Agalaathey

Singers: Yuvan Shankar Raja

Duration: 4:36 Minutes

Listen

Thee Mugam Dhaan

Singers: Sarath Santhosh , Senthil Dass

Duration: 3:07 Minutes

Listen

Nerkonda Paarvai Movie Critic Reviews

நவீன பெண்களின் பிரச்சனைகளை அழுத்திச் சொல்லும் அழகா

3.7/5

இந்தியில் வந்த பிங்க் படத்தின் தமிழ் ரீமேக்தான் நேர்கொண்ட பார்வை. இந்தப் படத்தில் நடிகர் அஜித் நடிக்கிறார் என்ற செய்தியே முதலில் ஆச்சர்யமும், அதிர்ச்சியும் தந்தது. ஏனென்றால் பிங்க் படம் ஒரு மாஸ் படமல்ல. அது இன்றைய நவீன பெண்களின் உரிமையை பேசியுள்ள படம். அதில் அமிதாப் ஒரு சிறு வேடத்தில் நடித்திருந்தார். அஜித்துக்கு தமிழகத்தில் இருக்கும் பிம்பம் முற்றிலும் வேறானது. அது மாஸ் ஹீரோக்களுக்கானது. ரசிகர்கள் அஜித்தை பார்க்கும் விதம் வேறானது. ஆனால் அஜித்தின் கட்டாயத்தில் இப்படம் உருவாகியது. பிங்க் படத்தின் சாரம் கெடாமல் அஜித்தின் இமேஜும் முழுதாய் சரியாமல் படத்தை தந்திருக்கிறார் இயக்குநர் வினோத்.

நவீன சமூகம் எத்தனை வளர்ந்திருந்தாலும் பெண்களின் மீதான பார்வை, அடக்குமுறை என்பது கற்கால பாணியிலேயே இன்றும் நீடிக்கிறது. நாகரீகம் அதீதமாக வளர்ந்த இந்த நிலையிலும் ஒரு பெண் தனியே இரவில் நடப்பது பிரச்சனை தான். ஒரு பெண் எளிதில் அவள் உடைகள், பேச்சு, பழகும் விதத்தில் விபச்சாரி பட்டம் கட்டப்பட்டு விடுகிறாள். ஆணுக்கான நியாயங்கள் பெண்ணுக்கு சரியாக, சமமாக எப்போதும் கிடைப்பதில்லை. சமூகம் பெண்ணை பாதுகாப்பாக இருக்கச் சொல்கிறதே அன்றி , ஆண்களை ஒழுக்கமாக இருக்கச் சொல்வதில்லை. இந்த நிலைகள் எல்லாவற்றையும் படம் அழுத்தமாய் பேசியிருக்கிறது. படத்தின் கருவாக அதுவே இருப்பதால், முதல் காட்சியிலிருந்தே அதை நோக்கியே பயணிக்கிறது. இந்த விசயங்களை அழுத்தமாய் பேசியதற்கு படக்குழு மொத்தத்திற்கும் ஒரு பெரிய பூங்கொத்து தரலாம்.

இப்படத்தில் அஜித் ஒரு மிகப்பெரிய சாதனையை சர்வ சாதாரணமாக நிகழ்த்தியிருக்கிறார். அவருடைய பிம்பத்தை விட்டு முழுக்க வெளியே வந்து இப்படியான ஒரு படத்தில் நடித்திருப்பது பெரும் துணிச்சல். இதை ரசிகர்கள் எப்படி ஏற்றுக் கொள்வார்கள் என்பது இரண்டாம் பட்சமே! செய்வது தான் பேரழகு. அந்த பேரழகை திரையில் அஜித் நிகழ்த்திக் காட்டியிருக்கிறார். வக்கீல் வேடம் ஏற்று, மன நலப் பிரச்சனை கொண்டவராக, தன்னையே கட்டுப்படுத்திக் கொள்ள முடியாத வேடத்தில், இதுவரை நாம் பார்த்திராத அஜித்தாக இதில் பரிணமித்திருக்கிறார்.

வக்கீலாக நடுங்கும் குரலில் அவர் வாதம் செய்யும் இடங்கள் கிளாப்ஸ். பெண்கள் எப்படி நடந்து கொள்ள வேண்டும் என சமூகம் வைத்திருக்கும் வரை முறையை சட்டமாக அவர் சொல்லும் இடங்கள் மொத்த சமூகத்திற்கான பாடம். அஜித் கேரியரில் இப்படம் தனி ரோஜாவாக தெரியும். தொடர்ச்சியாக பெண்களை ஆதரிக்கும் கருத்துக்களை தன் கமர்ஷியல் படங்கள் மூலமாகவும் பேசும் அவரின் அக்கறைக்கு வாழ்த்துக்கள். ஹீரோயினுடன் குத்தாட்டம் போடும் கமர்ஷியல் மசாலா படங்களை மட்டுமே பெரிய ஹீரோக்கள் செய்கிறார்கள் எனப் பேசும் வாய்க்கு இப்படம் மூலம் பெரிய பூட்டு போட்டிருக்கிறார். ஆனால் அவரின் தீவிர ரசிகர்கள் இப்படத்தை ஏற்றுக் கொள்வார்களா என்பது சந்தேகமே!

இயக்குநர் வினோத், அஜித்துக்கு இப்படி ஒரு படம், அவரது ரசிகர்களும் ரசிக்க வேண்டும், அதே நேரம் ஒரிஜினல் படத்தின் சாரமும் கெட்டுவிடக்கூடாது என இரண்டையும் பேலன்ஸ் செய்திருக்கிறார். அஜித்திற்காக அவர் வைத்திருக்கும் இடைவேளைக்கு முன்பான காட்சிகள் அவரது தீவிர ரசிகனை கவரும். ஆனால் வித்யா பாலன் உடனான காதல் ஃபிளாஷ்பேக் அதிகம் ஒட்டவில்லை. இந்தியில் இப்படம் ஜெயித்ததன் காரணம் அது ஒரு எளிமையான படமாக இருந்தது தான்.

Published by Others on: 08-08-2019. Originally published here

பெண்களின் பாதுகாப்பு

4.0/5

படத்தின் முழு வலுவையும் அஜித்தே சுமந்து நிற்கிறார். இந்தியில் வெளியான பிங்க் படத்தில் அமித்தாப்பச்சன் ஏற்று நடித்த கதாபாத்திரத்தை அஜித் ஏற்று நடித்திருக்கிறார். இதனால், மிகுந்த சவாலாக இருந்த கதாபாத்திரத்தை அஜித் மிகவும் நேர்த்தியாகவும், தனக்கே உரிய பாணியில் திறம்பட நடித்து அனைவரையும் கவர்ந்திருக்கிறார். குறிப்பாக சண்டைக்காட்சி, பைக் ஓட்டும் காட்சிகளில் அவரது ரசிகர்களை திருப்திபடைத்திருக்கிறார்.

நாயகியாக நடித்திருக்கும் வித்யாபாலன், குறைந்த நேரம் மட்டுமே வந்தாலும், மனதில் நிற்கிறார். அஜித்துடனான இவரின் கெமிஸ்ரி நன்றாக ஒர்க்கவுட் ஆகியிருக்கிறது.

ஷ்ரத்தா ஸ்ரீநாத்திற்கு வலுவான கதாபாத்திரம். அதை உணர்ந்து சிறப்பாக நடித்திருக்கிறார். கடினமான காட்சிகளில் தனது முழு திறமையையும் வெளிப்படுத்தி இருக்கிறார். இப்படம் அவருக்கு திருப்புமுனை ஏற்படுத்தும் விதமாக அமைந்திருக்கிறது. இவரது தோழிகளாக வரும் பிக்பாஸ் அபிராமி, ஆண்ட்ரியா தாரியங் ஆகியோர், கோர்ட் விசாரணை காட்சிகளில் நடிப்பால் ஸ்கோர் செய்திருக்கிறார்கள்.

அர்ஜுன் சிதம்பரம் பார்ப்பதற்கு அழகாகவும், கொடுத்த வேலையை சிறப்பாகவும் செய்திருக்கிறார். கோர்ட்டில் அஜித்துடன் விவாதம் செய்யும் காட்சியில் ரசிக்க வைத்திருக்கிறார். ஆதிக் ரவிச்சந்திரன், டெல்லி கணேஷ், ஜூனியர் பாலையா, அரசியல்வாதியாக வரும் ஜெய பிரகாஷ் ஆகியோரின் பங்களிப்பு திரைக்கதை ஓட்டத்திற்கு பெரிதும் உதவி இருக்கிறது.

தீரன் அதிகாரம் ஒன்று என்ற மாபெரும் வெற்றிப் படத்திற்குப் பின் இப்படத்தை இயக்கி இருக்கிறார் இயக்குனர் எச்.வினோத். பிங்க் படத்தின் ரீமேக் என்றாலும், அஜித் ரசிகர்களுக்கு ஏற்றவாறு, அதே சமயம் பிங்க் படத்தின் கதையை ஏந்தவிதத்திலும் பாதிக்காத அளவிற்கு படத்தை இயக்கி இருக்கிறார். குறிப்பாக பெண்களுக்கு உண்டான பாதுக்காப்பு குறித்தும் அவர்கள் கடைபிடிக்க வேண்டிய ஒழுங்கு முறைகள் பற்றியும் அஜித் பேசும் காட்சிகளில் உயிரோட்டமாக உருவாக்கி இருப்பது சிறப்பு. தற்போது பெண்களுக்கு எதிரான வன்கொடுமைகள் நடந்து வரும் சூழ்நிலையில், இம்மாதிரியான படங்கள், பெண்கள் பாதுகாப்பு குறித்து பேசுவதும், அதில், முன்னணி நடிகர்கள் நடிப்பதும், சமுகத்திற்கு இதுவும் ஒருவழியில் உதவும் என்பதில் ஐயமில்லை.

யுவன் சங்கர் ராஜாவின் இசையில் பாடல்கள் அனைத்தும் கேட்கும் விதம். பின்னணி இசை படத்திற்கு பக்கபலமாக அமைந்திருக்கிறார். பிங்க் படத்தின் அதே காட்சிக்காக ஒளிப்பதிவாளர் நீரவ் ஷா மெனக்கெட்டிருக்கிறார்.

ஷ்ரத்தா ஸ்ரீநாத், அபிராமி, ஆண்ட்ரியா தாரியங் ஆகிய மூன்று பேரும் ஒரே அறையில் தங்கி வெவ்வேறு பணிகளை செய்து வருகிறார்கள். இதில் ஷ்ரத்தா ஸ்ரீநாத் நட்சத்திர ஓட்டலில் நடனம் ஆடுபவராக இருக்கிறார்.

ஆதிக் ரவிச்சந்திரன், அர்ஜுன் சிதம்பரம் ஆகியோருடன் மூன்று பெண்களும் விருந்துக்கு செல்கிறார்கள். அப்போது அர்ஜுன் சிதம்பரம், ஷ்ரத்தா ஸ்ரீநாத்திடம் தவறாக நடக்க முயற்சி செய்ய, இதில் அர்ஜுன் சிதம்பரத்தை தாக்கிவிட்டு ஷ்ரத்தா ஸ்ரீநாத் தப்பித்து செல்கிறார்.

இந்த சம்பவத்திற்குப் பிறகு என்ன நடக்கும் என்ற பயத்தில் மூன்று பெண்களும் இருக்கிறார்கள். நினைத்தபடி அர்ஜுன் சிதம்பரம், ஷ்ரத்தாவை பழிவாங்க நினைத்து அவர்களுக்கு தொந்தரவு கொடுக்க ஆரம்பிக்கிறார்.

அர்ஜுனின் தொல்லையை பற்றி போலீசில் புகார் கொடுக்கிறார் ஷ்ரத்தா ஸ்ரீநாத். ஆனால் போலீஸ், அர்ஜுன் முதலில் புகார் கொடுத்ததாக கூறி ஷ்ரத்தா ஸ்ரீநாத்தை கைது செய்கிறார்கள். இவை அனைத்தையும் எதிர் வீட்டில் குடியிருக்கும் வழக்கறிஞர் அஜித், ஷ்ரத்தா ஸ்ரீநாத்துக்கு ஆதரவாக வாதாட ஆரம்பிக்கிறார்.

இறுதியில் அஜித், தனது திறமையான வாதத்தால் எப்படி வழக்கை முடித்தார்? என்பதே படத்தின் மீதிக்கதை.

Published by Others on: 08-08-2019. Originally published here